Avropada mentollu siqaretlərin satışı və istifadəsi qadağan edildi
19-05-2020, 21:10
Avropada mentollu siqaretlərin satışı və istifadəsi mayın 20-dən etibarən qadağan edilir. “HaberGlobal” məlumat verir ki, Avropa Ədalət Məhkəməsinə mentollu siqaretlərin qadağan edilməsinə qarşı edilən etiraz prosesi dayandırmaq üçün kifayət etməyib. Avropa İttifaqının (Aİ) 2014-cü ildə qəbul etdiyi və 2016-cı ildə qüvvəyə minmiş Tütün Direktivinə uyğun olaraq, Aİ ölkələrində mentollu tütün məhsullarına qadağa tətbiq olunub. Siqaret bazarında satış payı 3 faizdən çox olan mentollu siqaretlərin sağlamlığa zərərli olduğu və tütün qoxusunun qarşısını alaraq, siqaret çəkməyə təşviq etməsi səbəbindən qadağan edildiyi bildirilir. Ümumdünya Səhiyyə Təşkilatı dünyada hər il təxminən 8 milyon insanın siqaret çəkdiyi üçün erkən yaşda öldüyünü qeyd edib.