Argentinada qadın hakimin ömürlük həbs cəzası alan məhkumla öpüşməsi qalmaqala səbəb olub.

“Qafqazinfo” xarici KİV-ə istinadən xəbər verir ki, hadisə Komodoro-Rivadaviya şəhərində qeydə alınıb.

Belə ki, Mariel Suarez adlı qadın hakim cinayət törətdiyinə görə ömürlük azadlıqdan məhrum edilən Kristian Mai Bustos adlı şəxslə kamerada öpüşüb. Bunu əks etdirən görüntülərin yayılmasından sonra qadın hakimlə bağlı istintaq başladılıb.

Məlumata görə, Mariel Suarez Kristianın ömürlük həbs cəzasına baxılması üçün yaradılan komissiyada yer alıb. O, məhkuma bu cəzanın verilməsinə qarşı çıxaraq etiraz edib. Qadın hakimi ağır cəza gözlədiyi qeyd olunur.