İngiltərədə 54 nəfərin olduğu məktəb avtobusu qəza törədib.

Manset.az xarici KİV-ə istinadən xəbər verir ki, hadisə Mersisayd bölgəsində baş verib.

Məktəbliləri daşıyan avtobusun yük maşını ilə toqquşması nəticəsində 14 yaşlı qız və servis sürücüsü həyatını itirib.

Qeyd edilir ki, qəzadan sonra hadisə yerinə təcili tibbi yardım maşını və helikopter göndərilib.

Şimal-Qərb Təcili Yardım Xidmətindən verilən açıqlamada qəzada yaralanan 13 uşağın xəstəxanaya aparıldığı, onlardan 2-nin vəziyyətinin ağır olduğu bildirilib.

Qəzadan sonra magistral hər iki istiqamətdə nəqliyyatın hərəkətinə bağlanıb, hadisə ilə bağlı araşdırma aparılıb.