Cənubi Koreyada robot insanı qutu ilə səhv salıb öldürdü
10-11-2023, 07:41
Cənubi Koreyanın Kyonqsan əyalətində robot sınaq zamanı 40 yaşlı kişini əzərək ölümünə səbəb olub.
Bizim.Media xarici mətbuata istinadən xəbər verir ki, qəza bibər çeşidləmə zavodunda baş verib.
Belə ki, robototexnika şirkətinin əməkdaşı sınaq buraxılışından bir gün əvvəl sensorlarında nasazlıq yaranan robotun işini yoxlayıb. Robot bibər qutularını qaldırıb altlıqlara yerləşdirməli idi.
Bu zaman robot kişini tərəvəz qutusu ilə səhv salaraq onu tutub və konveyer lentinə sıxaraq üzünü və sinəsini əzib.
Yaralı xəstəxanaya çatdırılsa da, onu xilas etmək mümkün olmayıb.
