Müdafiə Nazirliyi hərbi qulluqçunun səhhətinin qəfil pisləşdiyini bildirib.
Azərbaycan Ordusunun hərbi qulluqçusu Tağıyev Bəhri Fərman oğlu səhhətinin qəfil pisləşməsi ilə əlaqədar tibb müəssisəsinə təxliyə edilərkən yolda vəfat edib.
Müdafiə Nazirliyinin bu barədə yaydığı məlumata görə, hazırda faktla bağlı araşdırma aparılır.
Müdafiə Nazirliyinin rəhbərliyi hərbi qulluqçumuzun ailəsinə və yaxınlarına dərin hüznlə başsağlığı verib, onlara səbr diləyib.