Böyük Britaniyada fransız buldoqunun fotosu narkotik ticarəti şəbəkəsinin ifşasına kömək edib.

Oxu.Az-ın xəbərinə görə, bu barədə "Daily Star" nəşri məlumat verib.

Məlumata görə, qeyri-qanuni narkotik ticarəti ilə məşğul olan mütəşəkkil cinayətkar qrup "Bob" adlı fransız buldoqu sayəsində aşkara çıxarılıb. Dəstə üzvlərindən birinin ümumi çat söhbətinə göndərdiyi itin fotosu əsas sübuta çevrilib və hüquq-mühafizə orqanlarına cinayətkarların hazırladıqları genişmiqyaslı əməliyyatı pozmağa kömək edib.

Polisdən bildirdiyinə görə, heyvanın fotosunu çəkən şəxs şəkli şifrəli şəbəkəyə göndərib. Onun telefonu kəşfiyyatçılar tərəfindən sındırıldığı üçün polislər ev heyvanının üzərində telefon nömrəsi və digər vacib məlumatlar olan birkanı görüblər ki, bu da qrup üzvlərini müəyyənləşdirməyə və onları həbs etməyə imkan verib.