Diyetoloq Vasili Şçebenko, çuğundurun sağlamlığa olan müsbət təsirlərini izah edib. Foodinfo.az xəbər verir ki, ekspert, çuğundurun zəngin tərkibinə diqqət çəkərək, B vitaminləri (B1, B2, B6), vitamin C, PP, fol turşusu, kalium, maqnezium, dəmir və yod kimi qiymətli maddələr ehtiva etdiyini bildirib.Bununla yanaşı, çuğundur antioksidantlar baxımından da zəngindir, xüsusilə betain və betanin kimi maddələr bədənin təmizlənməsinə və xərçəng hüceyrələrinin böyüməsinin qarşısını almağa kömək edir. Dietoloq, çuğundurun immunitet sistemini gücləndirən, həzmi yaxşılaşdıran, ürək və beyin sağlamlığını qoruyan faydalı xüsusiyyətlərə sahib olduğunu qeyd edib. Həmçinin, çuğundur qan təzyiqini normallaşdırmağa və bədəndə azot oksidinə çevrilən nitratlar sayəsində qan damarlarını genişləndirərək qan dövranını yaxşılaşdırmağa kömək edir. Şçebenko, çuğundurun tərkibindəki bu zəruri maddələrin bədən üçün vacib olduğunu və müntəzəm istehlakının ümumi sağlamlığı dəstəklədiyini əlavə edib. Bu səbəbdən çuğundur, gündəlik pəhrizdə yer alması tövsiyə olunan qidalardan biridir.