İtaliyanın Venesiya şəhərində qabarma nəticəsində suyun səviyyəsi artıb.

Bu barədə Anadolu Agentliyi mləumat yayıb.

Suyun səviyyəsi 110 santimetrə çatıb, şəhərin bəzi yerlərində kanallarda daşqın əmələ gəlib. Küçələr su altında qalıb, hərəkət çətinləşib.

Suyun səviyyəsinin artması ehtimalını nəzərə alaraq, kanalların kənarında tədbirlər görülməyə başlanıb.

Aidiyyəti qurumlar suyun səviyyəsinin yenidən 80 santimetrə düşməsi ilə vəziyyətin normallaşacağını deyirlər.