İspaniyanın Mursiya əyalətində "Rheinmetall" hərbi sursat fabrikində baş verən partlayış nəticəsində altı nəfər yaralanıb.

Bu barədə "Cadena Ser" radiosu fövqəladə hallar xidmətinə istinadən məlumat yayıb.

Qeyd olunur ki, Mursiya şəhərinin kənarında yerləşən zavodda rezervuar partlayıb. Bundan sonra yanğın başlayıb və alov zavodun yaxınlığındakı meşəni bürüyüb.

Həkimlər altı zərərçəkənə yardım göstərib, onlardan beşi xəstəxanaya yerləşdirilib. Yaralılardan birinin vəziyyəti ağır qiymətləndirilir.