Yanğınsöndürmə idarəsinin verdiyi məlumat görə, cümə axşamı Tayvanda ticarət mərkəzində baş verən qaz partlayışı nəticəsində dörd nəfər ölüb, səkkiz nəfər isə xəstəxanaya yerləşdirilib.

Partlayış Tayçunq şəhərində yerləşən Şin Kong Mitsukoşi univermağının 12-ci mərtəbəsində, yemək sektorunda baş verib, Tayçunq Yanğınsöndürmə Bürosu bildirib.

Həlak olanlardan ikisi Makao sakini olub, üçüncü nəfər isə ağır yaralanıb. Makao Turizm İdarəsi onların ailəvi səyahət etdiyini və yeddi nəfərlik qrupun üzvü olduğunu təsdiqləyib.

Hadisə yerinə saat 11:30 radələrində onlarla yanğınsöndürən cəlb olunub. Binanın fasadı zədələnib, küçələrə dağıntılar səpələnib.

Tayçunq şəhərinin meri Lu Şio-yen hadisə yerində jurnalistlərə bildirib ki, partlayışın təsirini yaxınlıqdakı ofisində hiss edib. O qeyd edib ki, ilkin olaraq xilasetmə əməliyyatına üstünlük veriləcək, lakin hadisənin səbəblərini araşdırmaq üçün istintaq aparılır və digər təhlükə mənbələri yoxlanılır.

Tayvan prezidenti Lay Çing-te bütün aidiyyətli dövlət qurumlarına hadisənin səbəbini araşdırmaq göstərişi verdiyini açıqlayıb.