Rusiyanın Moskva vilayətinin Mıtişi şəhərində yerləşən "Krasnıy kit" ticarət mərkəzində atışma olub.

Oxu.Az Rusiya "Telegram" kanallarına istinadla xəbər verir ki, insident nəticəsində üç nəfər yaralanıb.

Məlumata görə, naməlum şəxs ticarət mərkəzinin mühafizəçiləri ilə mübahisə etdikdən sonra tapançadan atəş açıb.

Bu əsnada ticarət mərkəzinə gələnlər arasında təşviş başlayıb və onlar təcili oradan qaçmağa başlayıblar.

Hadisə yerinə gələn polis əməkdaşları atəş açmış şəxsi saxlayıblar.

Fakt üzrə araşdırma aparılır.