Polisin cümə günü gecə saatlarında verdiyi məlumata görə, Torontonun şərqində bir barda baş verən atışma nəticəsində ondan çox insan xəsarət alıb.

Polis bildirib ki, onlara yerli vaxtla axşam saat 10:40-da Progress Avenue və Corporate Drive küçələrinin kəsişməsi yaxınlığında bir neçə nəfərin vurulduğuna dair məlumatlar daxil olub.

Torontoda tibb işçiləri bildirib ki, 11 yetişkin xəsarət alıb, onların bəziləri yüngül, bəziləri isə kritikdir. Lakin polis daha sonra 12 nəfərin yaralandığını və bəzilərinin xəsarətlərinin həyata təhlükə yaratmadağını, digərlərinin xəsarətlərinin dərəcəsinin isə hələ ki, bəlli olmadığını bildirib.

Polis həmçinin şübhəli şəxsin qara balaklava taxdığını və gümüşü rəngdə qaçdığını və hələ də ələ keçirilmədiyini bildirib. İnsanlara əraziyə getməmələri barədə xəbərdarlıq edilib.

Torontonun meri Olivia Çou deyib ki, o, polis idarəsinin rəisi Mayron Demkivlə görüşüb və ona bildirilib ki, “bütün lazımı resurslar” səfərbər edilib.

“Bu erkən və davam edən bir istintaqdır – əlavə məlumatı polis verəcək,” o, sosial mediada yazıb. “Qurbanlar və onların ailələri mənim düşüncələrimdədir.”