Yekaterinburqda yeniyetmə internetdə tanış olduğu qız üçün evdən qaçıb

Yekaterinburqdan olan 9-cu sinif şagirdi internetdə tanış olduğu qızla görüşmək üçün evdən qaçıb.

32gun.ax bildirir ki, Ural Nəqliyyat Polisi hadisə ilə bağlı məlumat yayıb.

Məlumata görə, martın 6-da yeniyetmənin anası oğlunun itkin düşdüyü barədə polisə müraciət edib. Qadın bildirib ki, oğlu Moskva səfərinə icazə verilmədiyi üçün onunla mübahisə edib. Buna baxmayaraq, yeniyetmə Kolsovo hava limanına gedərək Moskva reysinə minə bilib.

Polis kameralar vasitəsilə onun Şeremetyevo hava limanından taksi ilə getdiyi ünvanı müəyyən edib və az sonra onu tapıb. Yeniyetmə dərsdənkənar vaxtlarda ofisiant işlədiyini və Moskvaya biletini şəxsi yığımları ilə aldığını bildirib.

Martın 9-da o, Yetkinlik yaşına çatmayanlarla iş üzrə inspektorların müşayiəti ilə evə qayıdıb və ailəsi ilə görüşüb. Yeniyetmə və ailəsi indiyə qədər hüquq-mühafizə orqanlarının diqqətində olmayıb.