Arxangelsk vilayətindəki M-8 federal magistral yolunda 100-ə yaxın avtomobil böyük qəza zonasında olub.

32gun.az bildirir ki, bu barədə Rusiya Daxili İşlər Nazirliyinin regional idarəsinin mətbuat xidmətindən məlumat verilib.

“Hazırda M-8 “Xolmogory” federal magistralının 1222-ci kilometrliyində qəza baş verən yerdə nəqliyyatın hərəkəti bağlanıb. Bu ərazidə 100-ə yaxın avtomobil var”, - deyə məlumatda bildirilir.

Departament kütləvi qəza nəticəsində 30-dan çox avtomobilin zədələndiyini bildirib .

Bundan başqa, hadisə nəticəsində iki nəfər xəstəxanaya yerləşdirilib, daha iki nəfərə isə yerindəcə tibbi yardım göstərilib.