Gəncə şəhərində intensiv yağan yağış nəticəsində sel hadisəsi qeydə alınıb.

TEREF APA-ya istinadən xəbər verir ki, bu gün axşam saatlarından etibarən şəhərə güclü yağış yağıb, sel suları bir sıra yaşayış massivlərində fərdi evlərə dolub.

Yağıntı nəticəsində bir neçə küçəni sel suları basıb. Avtomobillərin və piyadaların hərəkətində ciddi çətinliklər yaranıb.

Hazırda Gəncədə leysan xarakterli yağış davam edir.

Qeyd edək ki, qərb bölgəsini əhatə edən bir sıra rayonlarda da yağıntılı hava şəraiti müşahidə olunur.