Hindistanın Mumbay şəhərinin hava limanında baqajında onlarla zəhərli ilan daşıyan kişi saxlanılıb.

Oxu.Az "Deccan Herald" nəşrinə istinadla xəbər verir ki, adı açıqlanmayan şəxs Hindistan aeroportuna Tailanddan gəlib.

Gömrükdə baxış zamanı onun çamadanında 47 zəhərli ilan aşkarlanıb.

Bundan başqa, həmin şəxs təyyarədə Asiya tısbağası da daşıyıb. İlanlardan biri uçuş zamanı tələf olub.

Hindistan gömrükçüləri heyvanların qanunsuz daşınması ilə bağlı cinayət işi qaldırıblar.