Dublin məhkəməsi “Yukos” şirkətinin eks-rəhbəri Mixail Xodorkovskinin 100 milyon avroluq hesabının üzərindən həbs qərarını götürüb.

Axar.az xəbər verir ki, bunu jurnalistlərə açıqlamasında Beynəlxalq Hüquq Müdafiəsi Mərkəzinin Baş direktoru Andrey Kondakov söyləyib.

Qeyd edək ki, Xodorkovskinin hesabı İrlandiyanın İqtisad Cinayətləri Araşdırma Bürosunun tələbi ilə dondurulub. O zaman “Yukos”un keçmiş rəhbəri çirkli pulların yuyulmasında ittiham edilirdi.

Xodorkovski Rusiya hakimiyyətinin əsas əleyhdarlarından hesab edilir. Hazırda Avropada yaşayan Xodorkovski bəzi ekspertlər tərəfindən Rusiyanın növbəti lideri kimi təqdim edilir.