Dünən gecə “Koroğlu” metrostansiyası yaxınlığında ölüm hadisəsinin baş verdiyi barədə məlumat yayılıb. Sosial şəbəkələrdə yayılan məlumatlara görə, səfil həyatı sürən yaşlı kişi soyuqdan ölüb.

Məlumatı dəqiqləşdirmək üçün Cebhe.info əməkdaşı Sabunçu rayon Polis Şöbəsinin növbətçi hissəsi ilə əlaqə saxlayıb. Növbətçi hissədən əvvəlcə hadisədən məlumatsız olduqları, daha sonra isə məlumat vermək səlahiyyətlərinin olmadığı bildirilib: “Bu barədə bizə heç bir məlumat daxil olmayıb. Bizim məlumat verməyə də ixtiyarımız yoxdur. Rəhbərlik bizə qəti şəkildə tapşırıq verib ki, məlumat verməyək. Daxili İşlər Nazirliyinin mətbuat xidməti ilə əlaqə saxlayın. Amma ümumiyyətlə, nə nəqliyyat hadisəsi, nə bıçaqlaşma, nə dava, nə ölüm olub”.

Qeyd edək ki, sosial şəbəkələrdə soyuqdan ölən şəxsin fotoları da yayılıb.