Əfqanıstanın paytaxtı Kabil şəhərinin ən böyük hospitalına hücuma görə məsuliyyəti İŞİD terror qruplaşması öz üzərinə götürüb.
Gununsesi.info azvision.az-a istinadən xəbər verir ki, həkim paltarı geyinmiş şəxslər hospitala daxil olaraq atəş açıblar.
Əfqan polisinin məlumatına görə, hospitalda iki partlayış baş verib. Cinayətkarlarla təhlükəsizlik qüvvələri arasında baş verən atışma 6 saata yaxın davam edib.
Hospitaldakı bütün xəstələr təxliyə edilib, yaxud təhlükəsiz yerlərə köçürülüblər.
Əfqanıstan Səhiyyə Nazirliyinin məlumatına görə, insident nəticəsində azı 30 nəfər ölüb, 66 nəfər yaralanıb.