Şəmkirdə gənc döyüldüyü üçün xəstəxanalıq oldu

ARB Kəpəz xəbər verir ki, rayonun Tatar kənd sakini 20 yaşlı Eşqin Qədimov qonaq getdiyi Gədəbəy rayonunun Qoşabulaq kəndində mübahisə zəminində döyülərək ağır xəsarət alıb.

Zərərçəkən yaxınlarının köməyi ilə Şəmkir Mərkəzi Rayon Xəstəxanasına çatdırılıb. Vəziyyətinin orta-ağır olduğubildirilir. Eşqin Qədimovun nə səbəbdən döyüldüyü aparılan araşdırmalardan sonra məlum olacaq.

Fərman Qədimov - Zərərçəkənin atası: "Qonşunun oğlu ilə Gədəbəyin Qoşabulaq kəndinə mağazaya gediblər. Mağazadan çıxan zaman yanındakı yoldaşını orada olan 3 nəfər döyməyə başlayıb. Bu zaman oğlum köməyə gedərkən onu da döyüblər".

Faktla bağlı hüquq mühafizə orqanları tərəfindən araşdırma aparılır.