Yeni il gecəsində İstanbuldakı “Reina” əyləncə mərkəzinə terror aktını planlaşdıran özbək əsilli İŞİD-çi bu gün Suriyada öldürülüb.
Ovqat.com xəbər verir ki, məlumatı ABŞ ordusunun Mərkəzi Qüvvələr Komandanlığı yayıb.
Adı Əbdürrəhman olan İŞİD-çinin 6 aprel tarixində ABŞ-ın hava hücumları nəticəsində öldürüldüyü bildirilir.
Komandanlığın sözçüsünün bildirdiyinə görə, Əbdürrəhman Özbəki İŞİD “xəlifəsi” Bağdadinin ən yaxın silahdaşlarından idi və o, xilafətin əcnəbi döyüşçülərinin Suriyaya axışını,təşkilatın xarici ölkələrdə terror aktı törətməsini və maliyyə transfertlərini nizamlayırdı.