Alimlər nəinki Sakit okeandakı xırda adaların, həm də iri adalar qruplarının mümkün «yoxa çıxması» barədə xəbərdarlıq ediblər.

Tədqiqatçıların «Nature» jurnalında dərc olunmuş nəticələrinə görə, iqlim zonalarının yerdəyişməsi artıq xırda adalar qruplarının ekosisteminə əhəmiyyətli dərəcədə təsir göstərir. Tədqiqatçılar bəzi heyvan növlərinin yoxa çıxmasını və mirqasiyasını xüsusilə qeyd edirlər.

Amma alimlərin sözlərinə görə, başlıca təhlükə bu deyil. Dünya okeanının səviyyəsinin qalxması və temperaturun yüksəlişi Sakit okeandakı xırda adaların 90,0 faizinin su altında qalmasına səbəb olar. Belə perspektiv bir çox heyvanları yoxa çıxmaq təhlükəsi altına alır və insanlara düzəlməz zərər vura bilər.
AzPolitika.info