Çində ət xoşlayan şəxsin beynində 10 sm uzunluğunda canlı qurd tapılıb.

Teleqraf.com-un Rusiya KİV-ə istinadən xəbərinə görə, hadisə Nançan şəhərində baş verib. 26 yaşlı Lyu bir neçə ay ərzində epileptik tutmalardan əziyyət çəkirmiş. Həkimlər bir müddət bu xəstəliyin səbəbini tapa bilməyiblər. Pasiyent regionun mərkəzi xəstəxanasına göndərilib. Orada qan analizi nəticəzind\ Lyunun orqanizmində Spirometra mansoni adlı lentşəkilli qurd olduğu müəyyən edilib. Daha sonra müəayinə davam etdirilib və qurdun onun beynində olduğu bəlli olub. Həkimlər qurdu onun beynindən çıxarıblar. Bundan sonra qurd sağ qalıb və hətta onun sınaq şüşəsində üzdüyü müşahidə edilib.