Avropa Liqasının qrup mərhələsinin IV turunun Ukraynada keçirilən "Vorskla" - "Qarabağ" matçında məcburi fasilə yaranıb.

Qol.az xəbər verir ki, buna yerli azarkeşlərin pirotexniki vasitələrdən istifadə etməsi, onları meydana atması səbəb olub. 50-ci dəqiqədə baş verən hadisələrdən sonra görüşün hakimləri görüşü bir neçə dəqiqəlik dayandırmaq məcburiyyətində qalıb.

Oyun bir neçə dəqiqədən sonra davam etdirilib.

64-cü dəqiqədə yenidən meydana pirotexniki vasitələr atılıb. Bu dəfə hakim futbolçuları meydandan çıxarıb. Komandalar paltardəyişmə otaqlarına yollanıblar. Stadionu isə tüstü bürüyüb. Stadionda xəbərdarlıq anonsu verilib. 8 dəqiqə sonra komandalar meydana qayıdıblar və matç yenidən davam etdirilib.