Moskvada keçirilən boks qarşılaşmasında maraqlı hadisələr baş verib.

Avropa.info xəbər verir ki, Dağıstan əsilli rus professional boksçu Artur Beterbiyev matça 30 mart 2014 seçkisində prezident Rəcəb Tayyib Ərdoğan üçün bəsətələnən, Uğur İşılak tərəfindən səsləndirilən “Rəcəb Tayyib Ərdoğan – Dombra” marşı ilə çıxıb.

Boksçu Beterbiyevin matça Ərdoğan mahnısı ilə çıxması böyük təəccübə səbəb olub. Göytürk türklərinin döyüş marşı kimi tanınan marşı eşidən ruslar nə baş verdiyini anlamağa çalışarkən, Dombra mahnısı zalda böyük coşquya səbəb olub.

2014-cü ildə seçkinin əsas simvoluna çevrilən “Rəcəb Tayyib Ərdoğan – Dombra” marşı hələ də bəyənilən və səsləndirilən kompozisiyalardandır.