UEFA Avropa Liqasında I təsnifat mərhələsindən təxirə salınmış daha bir oyun keçirilib. "Report"un məlumatına görə, Budapeştdəki "Ferents Susa" stadionunda baş tutan matçda Estoniya "Nomme Kalyu"su ilə Sloveniya "Mura"sı üz-üzə gəlib. Qarşılaşma ikincilərin 4:0 hesablı qələbəsi ilə başa çatıb.

Murska-Sobota təmsilçisinin heyətində qolları Kevin Jijyek (2), Jiqa Kous və Alen Kozar vurublar.

Qələbə sayəsində II təsnifat mərhələsinə vəsiqə qazanan "Mura" bu raundda Danimarkanın "Orxus" klubu ilə qarşılaşacaq.

Qeyd edək ki, "Nomme Kalyu" - "Mura" oyunu hər iki komandanın heyətində koronavirus aşkarlandığı üçün təxirə salınmışdı.