La Liqanın 27-ci turunda lider Madrid “Real”ı “Real Sosyedad”ı evində qonaq edib.
Qarşılaşmaya qonaqlar fəal başlayıb. Artıq 10-cu dəqiqədə M.Oyarzabal penalti zərbəsindən hesabı açıb.
Ev sahibləri buna yalnız 30 dəqiqə sonra E.Kamavinqanın qolu ilə cavab verə biliblər. Üç dəqiqə sonra isə L.Modriç ilk hissənin yekun hesabını müəyyənləşdirib.
İkinci hissədə hücumlarının kəsərini artıran “Real” 69-cu dəqiqədə fərqlənsə də K.Benzemanın qolu ofsayd səbəbilə ləğv edilib.
Lakin fransalı 75-ci dəqiqədə adını tabloya yazdıra bilib. Penalti zərbəsindən fərqlənən futbolçu hesabı 3-1-ə çatdırıb.
Qarşılaşmanın 79-cu dəqiqəsində M.Asensio hesab arasındakı fərqi üç topa çıxarıb.= 4:1.
Qeyd edək ki, “Real” hazırda 63 xalla turnir cədvəlində ilk pillədə qərarlaşıb. İkinci “Sevilya”nın 55, üçüncü “Betis”in isə 46 xalı var.