Siciliyada Avropanın ən aktiv vulkanı olan Etna vulkanı oyanıb. Ötən gün Avropanın ən fəal vulkanının oyanması nəticəsində İtaliyanın Kataniya şəhərinə kül atılıb. Vulkandan atılan kiçik hissəciklər uçuşlar üçün təhlükə yarada bilər.
Etnanın növbəti püskürməsi Siciliyada yağışla qarışmış vulkanik kül şəklində yağıntılara səbəb olub.
Səhər saatlarında vulkanik aktivliyin artması qeydə alınıb, bunun nəticəsində Kataniyada kül çökməsi başlayıb. Bu, Siciliyanın şərqindəki ən böyük şəhərdə şəhərin hava limanının bağlanmasına səbəb olub.
Milli Geofizika və Vulkanologiya İnstitutunun alimləri vulkanın üzərində bulud toplandığı üçün videomüşahidə apara və hadisələri təhlil edə bilmirlər. Mütəxəssislərin fikrincə, gələcək inkişaf külün daha da çökməsi ilə partlayıcı fəaliyyətə səbəb ola bilər.
Yerli hakimiyyət Etna yaxınlığında məcburi təxliyə barədə hələlik açıqlama verməyib.
Kataniya hava limanının idarəedici şirkəti Etnanın aktiv püskürməsi və eyni zamanda vulkanik külün çökməsi ilə əlaqədar təhlükəsiz şərait bərpa olunana qədər uçuşların dayandırıldığını bildirib.
Zvezda