Kriştianu Ronaldu ilk mövsümündə Səudiyyə Ərəbistanı çempionluğunu qazana bilməyib.
“Əl-İttihad” bu gün “Əl-Feyha”nı məğlub edərək (3:0) titulunu təmin edib.
29 turdan sonra Ciddə təmsilçisinin 69 xalı var.
Ronaldunun “Ən-Nəsr”i isə ikinci yerdə qərarlaşıb. “Əl-İttifaq”la bugünkü heç-heçədən sonra onun 64 xalı var. Klub sonuncu dəfə 2020-ci ildə çempion olub.
Qeyd edək ki, Kriştianunun gəlişinədək “Ən-Nəsr” turnir cədvəlində birinci yerdə idi.
Xatırladaq ki, çempionatda keçirdiyi 16 oyunda 38 yaşlı portuqaliyalı 14 qol vurub.