“Real Madrid” Kilian Mbappenin kiçik qardaşı Etan Mbappeni də alacaq.
Yeniavaz.com xəbər verir ki, bu barədə “RMC Sport” nəşri məlumat yayıb.
Nəşrin məlumatına görə, Kilian Mbappe ailəsi ilə birlikdə “Real Madrid”dən 17 yaşlı Etan Mbappeni transfer etməyi də xahiş edib. Nəticədə, İspaniya klubu ikinci müqavilə üçün razılaşıb.
“Liqa 1”in cari mövsümündə Etan Mbappe cəmi bir dəqiqə oynayıb.
Qeyd edək ki, Kilian Mbappenin PSJ ilə hazırkı müqaviləsi 2024-cü ilin yayına qədərdir. Mətbuatın yazdığına görə, 2024-cü ilin qışında forvard Fransa klubu ilə müqavilənin sonunda yayda “Real Madrid”ə keçməyə qərar verib. Artıq “Santyaqo Bernabeu”da fransız forvardın təsviri olan şərflər satılmağa başlayıb.
Bu mövsüm Mbappe “Liqa 1”də 20 matçda iştirak edib, bu matçlarda 21 dəfə (6-sı penaltidən olmaqla) qol vurub və 4 məhsuldar ötürmə edib.