Salah “Liverpul”un tarixinə düşdü – Hələ heç kim bunu bacarmamışdı
15-03-2024, 19:05
“Liverpul”un hücumçusu Məhəmməd Salah yeni rekord müəyyənləşdirib.
Fanat.az xəbər verir ki, bu barədə tanınmış insayder Fabritsio Romano sosial şəbəkə hesabında paylaşım edib.
“Sparta Praqa” ilə Avropa Liqasının 1/8 final mərhələsinin cavab matçında həm qol vuran, həm də üç məhsuldar ötürmə edən misirli mersisaydlıların qələbəsində əsas pay sahibi olub. Bu, onun cari mövsümdə 20-ci qolu olub.
Xəbərə görə, bu qol sayəsində Salah “Liverpul”un tarixinə düşüb. 31 yaşlı futbolçu klub tarixində ardıcıl 7 mövsümdə ən azı 20 qol vuran ilk oyunçu olub. Daha əvvəl heç kim belə uğura imza atmayıb.
Salah 2017-ci ildə “Enfild”ə gəlib. “Liverpul” 7 il əvvəl onun keçidinə 42 milyon avro xərcləyib.