Futbol 1900-cü ildə Paris Olimpiadasına daxil edilsə də, heç vaxt FIFA Dünya Kuboku və ya Futbol üzrə Avropa Çempionatı qədər diqqəti cəlb etməyib.

Bəs, niyə dünyada milyonlarla azarkeşi olan idmana Olimpiadada kifayət qədər diqqət yetirilmir?

Yaş məhdudiyyəti və ulduz futbolçuların yoxluğu birinci səbəbdir.

Olimpiya futbol turnirlərində kişilər üçün 23 yaşadək qayda tətbiq olunur və hər komandada yalnız 23 yaşdan yuxarı üç oyunçu çıxış edə bilər. Bu qayda yüksək səviyyəli ulduz oyunçuların çatışmazlığı ilə nəticələnir.

Azarkeşlər Lionel Messi və Kristiano Ronaldo kimi ulduzları meydanda görmək istəsələr də, bu qayda onların Olimpiadada oynama ehtimalını azaldır. Onu da qeyd edək ki, olimpiadada qadın futbol komandaları üçün belə bir qayda yoxdur.

Şübhəsiz ki, futbolun ən mötəbər turniri FIFA Dünya Çempionatıdır. Dünya çempionatının tarixi, ənənəsi və futbol azarkeşlərinə təsiri böyükdür. Bundan əlavə, Avropa çempionatı bütün dünyanın diqqətini cəlb edən daha bir turnirdir. Ən yaxşı oyunçular bu turnirlərdə iştirak edəndə çox yüksək səviyyədə rəqabət olur.

Olimpiya futbolu bu böyük turnirlərin kölgəsində qalır.

Olimpiadalar adətən futbol mövsümünün əvvəlində və ya hazırlıq dövründə keçirilir. Bu müddətdə klub komandaları yeni mövsümə hazırlıq görür və ya transfer prosesləri gedir. Klublar oyunçularının zədələnməsi və mövsümün əvvəli məşqini buraxma riski səbəbindən idmançılarının Olimpiadada iştirakını istəməyə bilər.

Yaxud futbolçular mövsümə məşq etmədən başlamalıdırlar. Bütün bu səbəblərdən güclü kadrların formalaşmasının qarşısı alınır.

Media və marketinq strategiyaları da oyuna daxil olur.

Olimpiya Oyunlarına ümumi media marağı yüksəkdir, lakin eyni şey futbol üçün keçərli deyil. FIFA və UEFA öz turnirlərini tanıtmaq və bazara çıxarmaq üçün böyük büdcələr ayırırlar. Olimpiya futbolu isə bu büdcə və strategiyaların öhdəsindən gəlməkdə çətinlik çəkir. Bu vəziyyət tamaşaçı və pərəstişkarların da marağına təsir edir.

Nəticədə olimpiadada futbolun layiq olduğu diqqəti görməməsi bu idman növünü və turniri dəyərsiz etmir. Əksinə, gənc istedadlara şans verən, gələcəyin ulduzlarını səhnəyə çıxaran bir arena kimi dəyərli funksiyanı yerinə yetirir.

Yenə də ümid edirik ki, bir gün Olimpiya futbolu FIFA Dünya Kuboku kimi nüfuzlu və maraqlı turnirə çevriləcək.