Arda Gülər qərarını verdi - “Real Madrid”də qalacaq
13-10-2024, 00:02
Türkiyə millisinin gənc ulduzu Arda Güler "Real Madrid" klubunda qalmaq istədiyini açıqlayıb.
SAVASHMEDİA.az xəbər verir ki, 18 yaşlı futbolçu jurnalistlərin suallarını cavablandırarkən artıq qərarını verdiyini deyib:
"Real Madrid nəhəng klubdur və burada oynamaq mənim üçün şərəfdir. Klub rəhbərliyi mənimlə yollarını ayırmaq istəyənə qədər "Real Madrid"də qalmaq niyyətindəyəm".
Qeyd edək ki, Arda Güler 2023-cü ilin yayında "Fənərbağça"dan "Real Madrid"ə 20 milyon avroya transfer olunub. O, İspaniya klubu ilə 6 illik müqavilə imzalayıb.
