Şimali Amerikanın futbol üzrə MLS liqasının "Vankuver Uaytkeps" - "Ostin" matçı meydançaya siçanın girməsi səbəbindən dayandırılıb.

Oxu.Az ESPN-ə istinadla xəbər verir ki, gəmirici birinci hissədə meydançanın ot örtüyünə daxil olaraq, hakimin oyunu yeddinci dəqiqədə dayandırmasına səbəb olub.

"Ostin" komandasının qapıçısı Bred Stuver tez bir zamanda siçanı tutaraq, onu meydançadan kənarlaşdırıb.

Ev sahiblərinin azarkeşləri rəqib futbolçunu bu addıma görə alqışlayıblar. Matç "Vankuver"in 5:1 hesablı qələbəsi ilə yekunlaşıb.