Almaniya Bundesliqasının 31-ci turunda Münhendəki "Alyans Arena"da yerli "Bavariya" "Maynz"ı 3:0 hesabı ilə məğlub edib.

"Cebheinfo.az" xəbər verir ki, meydan sahiblərinin qollarını Leroy Sane, Maykl Olişe və Erik Dayer vurublar.

Hazırda Vinsent Kompaninin komandası 75 xala malikdir və Bundesliqada ən yaxın izləyicisi "Bayer"i 8 xal qabaqlayaraq inamla liderliyini davam etdirir.

Beləliklə, növbəti mərhələdə "Leypsiq" üzərində qələbə qazanacağı təqdirdə, münhenlilər "Bayer"in iştirak etdiyi matçın nəticəsindən asılı olmayaraq, tarixində 34-cü dəfə Almaniya çempionu olacaqlar. Leverkuzen klubunun hər hansı xal itkisi halında da "Bavariya" arzusuna çatacaq.