DÇ-2018: Braziliya, Nigeriya və Serbiya növbəti oyunlarını keçirəcəklər

22-06-2018, 09:03           
DÇ-2018: Braziliya, Nigeriya və Serbiya növbəti oyunlarını keçirəcəklər
Bu gün Rusiyadakı dünya çempionatında II turun növbəti görüşləri keçiriləcək.

"Report" xəbər verir ki, günün ilk qarşılaşması Braziliya və Kosta-Rika yığmaları arasında oynanılacaq.

İlk turda bu komandalardan heç biri qələbə qazana bilməyib. Braziliya İsveçrə ilə 1:1 hesablı heç-heçə edibsə, Kosta-Rika Serbiyaya uduzub. Braziliya qələbə qazansa, Kosta-Rika qrupda qalacaq. Turun digər oyununda İsveçrəni məğlub edəcəyi halda, Serbiya vaxtından əvvəl 1/8 finala yüksələcək.

Bu gün həmçinin Nigeriyanın D qrupundakı taleyi həll oluna bilər. Afrika təmsilçisi İslandiyaya uduzsa, qrupda qalacaq. Bu komanda ilk turda Xorvatiyaya uduzub - 0:2. İslandiya isə Argentina ilə 1:1 hesablı heç-heçə edib. Digər tərəfdən, İslandiya qalib gəlsə, xallarını 4-ə çatdıracaq və 1 xala malik Argentinanın qrupda qalma təhlükəsi yaranacaq.

DÇ-2018

22 iyun

II tur

E qrupu

16:00. Braziliya - Kosta-Rika

Hakimlər: Byorn Kuypers, Sander van Rukel, Ervin Zeinstra (hamısı Hollandiya), Damir Skomina, Yure Praprotnik (Sloveniya)

Sankt-Peterburq, "Sankt-Peterburq" stadionu

D qrupu

19:00. Nigeriya - İslandiya

Hakimlər: Mettyu Konger, Saymon Lant (hər ikisi yeni Zelandiya), Tevita Makasini (Tonqa), Rikardo Montero (Kosta-Rika), Hiroşi Yamauçi (Yaponiya)

Volqoqrad, "Volqoqrad Arena"

E qrupu

22:00. Serbiya - İsveçrə

Hakimlər: Feliks Brıx, Mark Borş, Ştefan Lupp (hamısı Almaniya), Navaf Şukralla, Yaser Tulefat (hər ikisi Bəhreyn)

Kalininqrad, "Kalininqrad" stadionu.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.