ABŞ-ın Hyuston şəhərində polis əməkdaşları və silahlı şəxs arasında atışma baş verib.

Trend-in məlumatına görə, bu barədə şəhərin polis idarəsinin "Twitter" səhifəsində paylaşılan məlumatda deyilir.

Məlumatda bildirilir: "Zabitlər şübhəli bilinən şəxslə qarşılaşmadan sonra odlu silahdan xəsarət alıblar. Zabitlər xəstəxanaya aparılır".

Daha sonra "Twitter" səhifəsində 5 polis əməkdaşının yaralandığı bildirilib: "Hazırda biz təsdiq edə bilərik ki, 5 asayiş keşikçisi yaralanıb və xəstəxanaya yerləşdirilib".

İnsidentin təfərrüatları barədə məlumat verilmir.