Cənubi Afrika Respublikasında (CAR) 1 milyon insan içindən kosmosa səyahət etmək haqqı qazanan ilk qaradərili afrikalı olan Mandlo Maseko vəfat edib.

Teleqraf.com xəbər verir ki, Maseko motosiklet qəzasında həyatını itirib.

30 yaşlı Mandlo Maseko 2013-cü ildə ABŞ-ın Lynx Apollo Kosmos Akademiyasının yarışında qalib gəldikdən sonra “qitənin qüruru Afronot” adını almışdı. Lakin qəzada həyatını itirən Maseko bu arzusunu həyata keçirə bilməyəcək.

CAR-ın Pretoriya şəhərinin yoxsul bir məhəlləsində yaşayan, beş uşaqlı bir ailənin ən böyük üzvü olan Maseko ilk ayaqqabısını 16 yaşında alan atasını ən böyük qəhrəmanı sayırdı. “İkinci qəhrəmanım isə Nelson Mandeladır”, demişdi.