Almaniyada bir məhkəmə son İran şahı Məhəmməd Rza Pəhləvinin ikinci arvadı şahzadə Surəyyanın mirasını onun vəfat etmiş qardaşının sürücüsünə verilməsi barədə qərar çıxarıb.

Şahzadənin mirası haqqında qərar ölümündən 15 il sonra verilib. 69 yaşlı şahzadənin övladı olmadığı üçün mirası qardaşı Bijan Esfandiariyə qalıb. Lakin qardaşı da şahzadədən 1 həftə sonra dünyasını dəyişib. B.Esfandiyarinin mirası açıqlandığı zaman məlum olub ki, o bütün mal varlığını sürücüsə bağışlayıb. Lakin şahzadənin qohumları buna etiraz edib.

15 il davam edən məhkəmə prosesindən sonra miras yenidən B.Esfandiyarinin sürücüsünə verilib.

Şahzadə Surəyyanın Fransadakı sərvəti xeyriyyə qurumlarına bağışlanıb. İran və alman əsilli şahzadə 1951-ci ildə şah Məhəmməd Pəhləvi ilə evlənib, amma uşaqları olmadığı üçün boşanıblar.