Ana Vətən Partiyası Şamaxı rayon təşkilatının növbəti konfransı keçirilmişdir.
Konfransa hazırlıq üzrə Təşkilat Komitəsinin sədri Şaiq Nuriyev komitənin gördüyü işlər barədə hesabat vermişdir. Hesabat qənaətbəxş qiymətləndirilmişdir.
Sonra təşkilati məsələlərə baxılmış və rayon təşkilatının sədri, sədr müavini, rayon Qadınlar Şurasının və Gənclər Təşkilatının sədri, Rayon Məclisinin üzvləri, Rayon Şurası və Nəzarət Təftiş Komissiyasının üzvləri seçilmişdir.
Nuriyev Şaiq Vaqif oğlu Ana Vətən Partiyası Şamaxı rayon təşkilatının sədri seçilmişdir.
Sonda partiyaya yeni qoşulmuş bir qrup anavətənçilərə üzvülük vəsiqələri təqdim edilmişdir.


Ana Vətən Partiyasının
Mətbuat xidməti