Somalinin paytaxtı Moqadişuda “Əş-Şəbab” radikal islamçı qruplaşmasının silahlıları prezident sarayının yaxınlığında terror aktı törədiblər.

32gun.az bildirir ki, barədə yerli “Moqadişu24” portalı X sosial şəbəkəsində məlumat yayıb.

Onlar əvvəlcə saraya ən yaxın olan oteldə dayanmış avtomobili partladıblar, sonra isə otelin içərisində atışma təşkil ediblər. Portalın məlumatına görə, Somali hökumət rəsmiləri arasında itkilər var. Ədliyyə Nazirliyinin baş direktoru, ölkənin federal parlamentinin üzvləri, Nazirlər Kabinetinin nümayəndəsi, həmçinin SMS TV-nin direktoru xəsarət alıb.

Polis bölməsinin rəisi və əsgərlər də yaralanıb. Zərərçəkənlərin vəziyyəti barədə məlumat verilmir. Hücum qurbanları barədə məlumat yoxdur.