Çölyak xəstəliyi orqanizmin qlüten adlı zülala qarşı yüksək həssaslığı nəticəsində yaranan immun sisteminin pozğunluğudur. Bu zaman orqanizmdə olan nazik bağırsaq membranı qlütenli qidaları həzm edə bilmir və bu da həzm sistemində problemlər yaradır. Bu xəstəlik adətən genetik olur və müxtəlif əlamətlərlə özünü göstərir.Foodinfo.az xəbər verir ki, çölyak xəstəliyinin simptomları arasında həzm sistemi problemləri (qarın ağrısı, ishal, qəbizlik), kilo itkisi, yorğunluq, dəri problemləri, dəmir çatışmazlığı anemiyası və sümük xəstəlikləri ola bilər. Çölyak xəstəliyinə diaqnoz qoymaq üçün həkimlər adətən qan testləri və endoskopiya kimi üsullardan istifadə edirlər. Bu xəstələrin pəhrizi qlütensiz pəhrizə keçiddən ibarətdir. Onlar buğda, arpa və çovdar kimi tərkibində qlüten olan qidalardan uzaq durmalı və alternativlər seçməlidirlər. Bu zaman qlütensiz unlar, düyü, qarğıdalı və kartof kimi qidalar uyğun seçim ola bilər. Gizli qlüten ehtiva edən məhsullar da olduğu üçün qida alarkən etiketləri diqqətlə oxumaq və düzgün qida seçimi etmək vacibdir.Semptomları düzgün tanımaqla və qlüten olan qidalardan uzaq durmaqla çölyak xəstələri sağlam həyat sürə bilərlər.