Rusiyanın Saxalin adasının Vostok kəndində güclü yanğın baş verib.

Publika.az xəbər verir ki, bu barədə "RİA Novosti" Rusiya Fövqəladə Hallar Nazirliyinə istinadla məlumat yayın.

Bildirilib ki, yanğın 40-dan çox bağ evi və yardımçı tikililəri əhatə edib.

"Poronayski rayonunun Vostok kəndində 7 bağ evinin və 36 yardımçı tikilinin yanğını barədə məlumat mayın 19-na keçən gecə yanğınsöndürənlərə daxil olub", - idarənin nümayəndəsi agentliyə bildirib.

Onun sözlərinə görə, saat 6:21-də (Şənbə günü Moskva vaxtı ilə 22:21) Fövqəladə Hallar Nazirliyinin əməkdaşları yanğını 2100 kvadratmetr sahədə lokallaşdırıblar. Üç saatdan sonra yanğın tamamilə söndürülüb.