Filippində təsirli olan Man-yi, Toraji və Usagi tayfunlarının yaratdığı fəlakətlərdə 12 nəfər həyatını itirib.
Filippin Xəbər Agentliyinin (PNA) məlumatına görə, Milli Fəlakət Riskinin Azaldılması və İdarə Edilməsi Şurası (NDRRMC) ölkədə təsirli olan Man-yi, Toraji və Usagi tayfunları ilə bağlı açıqlama verib.

Açıqlamada tayfunların törətdiyi fəlakətlər nəticəsində 12 nəfərin həyatını itirdiyi, 14 nəfərin yaralandığı, 3 nəfərdən xəbər alınmadığı bildirilib.

Açıqlamada tayfunların ölkənin 7 bölgəsində 3,5 milyondan çox insana təsir etdiyi, bölgələrdəki 2 min 331 təxliyə mərkəzində 300 min 953 nəfərin qalmağa davam etdiyi açıqlanıb.

Bildirilib ki, tayfunlar nəticəsində ölkədə infrastruktura , kənd təsərrüfatı sahələrinə çoxlu maddi ziyan dəyib.