Qazlı mineral sular düzgün və balanslı istehlak edildikdə faydalıdır. Foodinfo.az xəbər verir ki, onların tərkibində kalsium, maqnezium, kalium və bikarbonat kimi minerallar olur ki, bu da orqanizm üçün vacibdir. Xüsusilə, qazlı mineral su həzmi yaxşılaşdırmağa kömək edir, mədədəki turşuluq səviyyəsini tənzimləyir və şişkinliyi azaldır. Bundan əlavə, qazlı su adi sudan fərqli olaraq dadlı alternativ olduğu üçün maye qəbulunu artırmağa kömək edir. Lakin bəzi insanlarda həddindən artıq qazlı su istehlakı qıcqırmaya və mədə narahatlığına səbəb ola bilər. Tərkibində əlavə duz olan bəzi növləri isə yüksək təzyiqi olan şəxslər üçün uyğun olmaya bilər. Əsas odur ki, tərkibi təbii olan və əlavə maddələr ehtiva etməyən qazlı mineral sular seçilsin.