İndoneziyanın Qərbi Yava əyalətində istifadədən çıxarılmış döyüş sursatlarının utilizasiyası zamanı baş verən partlayış nəticəsində 9 mülki şəxs və 4 hərbi qulluqçu həyatını itirib.

Oxu.az xəbər verir ki, bu barədə "Antara" agentliyi ölkənin Silahlı Qüvvələrinə istinadən məlumat yayıb.

Məlumata görə, hadisə Qarut rayonundakı hərbi poliqonda baş verib. Hərbçilər hadisə yerində təhlükəsizliyin təmin edilməsi və mümkün yeni partlayışların qarşısının alınması üçün tədbirlər görürlər.

İndoneziya Silahlı Qüvvələri Baş Qərargah rəisi general Maruli Simancuntakın sözlərinə görə, partlayışın səbəbləri müəyyən edilir.