İyulun 4-ü Azərbaycanda ən çox sayda insanın suda boğulması faktı ilə yadda qalıb.

Tia.az Fövqəladə Hallar Nazirliyinə istinadən xəbər verir ki, dünən 1996-cı il təvəllüdlü Həmidov Elnur Etibar oğlu və 1997-ci il təvəllüdlü Tanrıverdiyev Anar Xalid oğluSumqayıt sahillərində dənizdə batıblar. E.Həmidovun və A.Tanrıverdiyevin meyiti “Corat” sularda xilasetmə məntəqəsinin xilasediciləri tərəfindən tapılıb çıxarılaraq aidiyyəti üzrə təhvil verilib.
1997-ci il təvəllüdlü Əliyev Mübariz Məlikağa oğlu Pirşağı çimərliyi yaxınlığında sulara qərq olub.
1997-ci təvəllüdlü Akın Ərbi isə Qaradağ rayonunda çimərlik olmayan ərazidə suda boğulub. A.Ərbinin cəsədi “Qaradağ-1” sularda xilasetmə məntəqəsinin xilasediciləri tərəfindən tapılıb çıxarılaraq aidiyyəti üzrə təhvil verilib.
Quba rayonunun Ərməki kənd sakini 18 yaşlı Elvin Kərimov Xəzər dənizinin Xaçmaz rayonu, Niyazabad kəndi ərazisində batıb.
1998-ci il təvəllüdlü Bədəlova Leyla Elşad qızı Bakının Xəzər rayonunda dənizdə (ən yaxınlıqdakı xilasetmə məntəqəsindən 4 km aralı, nəzarətsiz ərazidə) batıb. L.Bədəlovanın cəsədi “Nardaran-1” sularda xilasetmə məntəqəsinin xilasediciləri tərəfindən tapılıb çıxarılaraq aidiyyəti üzrə təhvil verilib