Oğuz sakini özünü güllələyərək intihar edib.

Rayon hüquq-mühafizə orqanlarından APA-ya verilən məlumata görə, hadisə avqustun 4-ü səhər saatlarında rayonun Baş Daşağıl kəndində qeydə alınıb. Kənd sakini, 1968-ci il təvəllüdlü Məmməd Nurəli oğlu Rəsulov hələlik istintaqa məlum olmayan səbəbdən yaşadığı ünvanda təklülə ov tüfəngini çənəsinin altına dirəyərək atəş açmaqla intihar edib. Aldığı güllə yarasından ağır vəziyyətdə Oğuz Rayon Mərkəzi Xəstəxanasına çatdırılan Məmməd Rəsulovun həyatını xilas etmək mümkün olmayıb.
Məmməd Rəsulov xəstəxanada keçinib. Məlumatda bildirilir ki, mərhum evli və iki övlad atası olub.
Faktla bağlı Oğuz Rayon Prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlanıb, araşdırma aparılır.