Ağabəy Novruzbəyli adına 46 nömrəli tam orta məktəbin müəllimi ilk dərs günü vəfat edib.

Məktəbin direktoru Sevinc Budaqova AzVision.az-a bildirib ki, ingilis dili müəllimi Nairə Məmməd qızı Məmmədova bu gün səhər saatlarında ömrünün 45-ci ilində dünyasını dəyişib.
“Nairə xanım bu gün səhər saatlarında işə gələrkən yolda ürəyi tutub. İnfakt keçirib və həyatını xilas etmək mümkün olmayıb. Çoxdandır ağrıyırdı, həkimə də getmirdi. İşinə çox bağlı insan idi".

Qeyd edək ki, N.Məmmədova Azərbaycan Dövlət Dillər Universitetini bitirib. 1994-cü ildən İngilis dili müəllimi kimi 46 nömrəli məktəbdə fəaliyyətə başlayıb.