Teref.az- DİN Mətbuat Xidmətindən verilən məlumata görə, bəzi xəbər portallarında “Müxalifətçi namizədə dəstək verən Bərdə sakinlərinin çəpərini yandırdılar” başlığı altında yayımlanmış məlumat həqiqəti əks etdirmir.

Belə ki, Bərdə rayonu 94 saylı seçki dairəsindən Milli Məclisə növbədənkənar seçkilərlə bağlı namizədliyi qeydə alınmış Dadaş Əhmədli bəzi xəbər portallarında Bərdə rayonu Lənbəran kəndində guya həmin kənddə məskunlaşmış bəzi sakinlərin çəpərlərinin yandırılması barədə məlumat yayımlamışdır.

Bərdə Rayon Polis Şöbəsinin əməkdaşları tərəfindən aparılan araşdırmalar zamanı bir neçə kənd sakinlərinin adından yerləşdirilmiş məlumat təsdiqini tapmayıb. Bundan başqa sakinlərin çəpərlərinin yandırılmasına dair Bərdə RPŞ-yə heç bir məlumat daxil olmamışdır.